БҚО-да 1000-нан астам жүргізуші құқығынан айырылды
Батыс Қазақстан облысында жол апаттары азайды. Бұл туралы облыс әкімдігінде өткен кеңес отырысында айтылды. Полиция департаментінің басшылығы жол қозғалысы қауіпсіздігін қамтамасыз ету бойынша қабылданған шаралар туралы айтып берді. Биыл 1000-нан астам адам жүргізуші куәлігінен айырылғаны белгілі болды.
Айта кетейік, 2019 жылы Батыс Қазақстан облысының әкімі полиция департаментінің басшылығын жолдардағы апаттардың өскені үшін қатты сынға алды. Олардың бірнешеуіне құқық қорғау органдарының қызметкерлері кінәлі болды. Әкімдікте полицейлер атқарылған жұмыстар туралы баяндады. Балалардың қатысуымен ЖКО-ның алдын алуға ерекше назар аударылды. Облыс мектептерінің жанында жолды кесіп өтетін жасөспірімдер бейнеленген 63 макет орнатылды.
«58 учаскеде қосымша жаяу жүргіншілер өткелі жабдықталды. 38 учаскеде жасанды жол кедір — бұдырлары орнатылды», — деп атап өтті БҚО ПД бастығының міндетін атқарушы Жанболат Жаншин.
Биыл өңір жолдарында 1350 жол белгілері орнатылып, бір жарым мың шақырымнан астам жол төсемі таңбалармен жарақтандырылды. Мұның бәрі статистика көрсеткіштеріне оң әсер етті. Апаттарда қаза болғандардың саны 65% — ға төмендеді. Бірақ проблемалар да бар — жылдамдық режимін бұзуға байланысты құқық бұзушылықтар саны 76% — ға артты. Көбінесе жүргізушілер мас күйінде рульге отыра бастады.
— Сыбайлас жемқорлық тәуекелдерін азайту керек. Жақсы жұмыс істедік, оны жалғастыру керек, — деді БҚО әкімі Ғали Есқалиев.
Аймақ басшысы білім беру органдары балаларды жарық шағылыстыратын ленталармен қамтамасыз ету мәселесін ойластыруы тиіс екенін айтты. Қараңғы уақытта олар жүргізушілерге жасөспірімді жолда көруге көмектеседі.
