БҚО-да Армениядан әкелінген мыңнан астам автокөлік тіркелді

БҚО полиция департаментінің баспасөз қызметі мәлім еткеніндей, күні бүгінге дейін 1060 автокөлік иесіне сары нөмір берілді.

Соның ішінде 40 автокөлік өзге өңір азаматтарының атына тіркелді. 68 автокөліктің рульдік басқару құралы қайта жабдықталды.

ҚР Үкіметінің 2020 жылғы 2 қыркүйектегі №553 қаулысына сәйкес 20 мамырдағы №306 қаулыға өзгерістер енгізілді.

Енді азаматтар Армениядан биылғы 1 ақпанға дейін әкелінген сол жақтан басқарылатын автокөліктерін 2021 жылғы 1 наурызға дейін тіркей алады.

БҚО-да тіркелген автокөлік иелеріне 7-ші өңірдің сары нөмірі А литерасымен беріледі.

БҚО ПД әкімшілік полиция басқармасының хабарлауынша, автокөлік иелеріне жалпы сомасы 11 946 теңге болатын үш төлем жасау қажет.

Бұл тіркеу үшін алым — 695 теңге, техникалық паспорт үшін баж — 3 473 теңге және мемлекеттік нөмір үшін баж — 7 778 теңге. Бұл ретте бастапқы тіркеу үшін алым, кедендік баждар мен утильсбор айырмасы алынып тасталды.

Осылайша, Көлік құралдарын тіркеу үшін сізге қажет болады:

– жеке басын куәландыратын құжат;

– мемлекеттік тіркеу үшін 0,25 АЕК мөлшерінде алым және мемлекеттік баж төленгені туралы түбіртек;

– КҚ-ны есепке алу туралы армян куәлігі (мемлекеттік немесе орыс тіліне аударылған) және МТНБ;

– оң рульден сол жаққа қайта жасалған жағдайда көлік құралы конструкциясының (СБКТС) қауіпсіздігі туралы куәлік.

Мемлекеттік немесе орыс тілінен басқа тілде жасалған құжаттарды аудару және нотариустың немесе осындай әрекеттерді жасауға құқығы бар басқа адамның қолымен растау қажет. БҚО-да тіркелген автокөлік иелеріне 7-ші өңірдің сары нөмірі А литерасымен беріледі, техпаспортты ресімдеу кезінде құжатта «Ерекше белгілер «бөлімінде» өзге тұлғаға тіркеуге жатпайды» деген жазба енгізіледі. Сары нөмірлерге тіркелген автомобильдер толық тозғанға дейін уақыт шектеусіз пайдаланыла алады және Қазақстанда да, басқа мемлекеттерде де еркін жүре алады.

Армян нөмірлерімен автокөлікті тіркеу үшін Орал қаласының Жәңгір хан көшесі, 160 мекен-жайындағы арнайы АвтХҚКО-на жүгіну қажет. Онда Әкімшілік полиция басқармасының қызметкерлерінен толық кеңес алуға болады.

Сонымен қатар, БҚО ПД колл-орталығының 8 (7112) 35-04-84, 8-708-435-04-84 телефондары бойынша кеңес алуға болады.