Ақсайда КПО б. в. қаражатына не істеу керектігі жоспарлануда
«Ашық НҚА» порталында Қарашығанақ мұнай-газ конденсаты кен орнының мердігерлік учаскесінің өнімін бөлу туралы түпкілікті келісім шеңберінде қосымша қаржы қаражатын бөлу туралы жоба орналастырылды.
Қаулы жобасы ӨБТК шеңберінде жалпы сомасы 10 040 126 АҚШ долларына қаражат бөлуді көздейді.
Қаражатты келесі нысандарға жұмсау жоспарлануда:
-2020 жылдан бастап ӨБТК 5-қосымшасы шеңберінде әлеуметтік және инфрақұрылымдық жоба ретінде 5 жыл ішінде жұмсауға жататын жалпы сомасы 6 752 815 АҚШ доллары (оқытуды, консультациялық қызметтерді және персонал шығыстарын қоса алғанда) Батыс Қазақстан облысы Бөрлі ауданының Ақсай қаласындағы аурухананың шұғыл медициналық ден қоюын жаңғырту;
-Батыс Қазақстан облысы Бөрлі ауданы Ақсай қаласында жұмыс істеп тұрған мемлекеттік колледж базасында ӨБТК-нің 5-қосымшасы шеңберінде әлеуметтік және инфрақұрылымдық жоба ретінде жалпы сомасы 987 311 АҚШ долларын құрайтын кәсіби оқу орталығын құру.
Сондай-ақ, құжатқа сәйкес Батыс Қазақстан облысы Бөрлі ауданының Березовка және Бестау ауылдарының тұрғындарын ҚОНЫСТАНДЫРҒАННАН кейін жұмыстарды орындау үшін ЖӨӨ-ден туындайтын қызметке қатысты, БҚО Бөрлі ауданының Аралтал ауылында жерді бұзу, қалпына келтіру және нөсер ағындарының дренаждық жүйесін орнатуды қоса алғанда, шығындар ретінде Батыс Қазақстан облысында жобаларды іске асыруға жалпы сомасы 2 300 000 АҚШ долларына қосымша шығындар бөлінді.
