Шетел түрмелерінде қанша қазақстандық отыр

Бас прокурордың орынбасары Марат Ахметжанов шет елдердегі түрмелерде қанша қазақстандық отырғанын жария етті.

Ашық көздерден.

«Ресми мәліметтерге сәйкес, бүгінгі таңда шетелде 831 қазақстандық жазасын өтеп жатыр. Тұтқындарды алмастыру бойынша халықаралық келісімшарт 21 мемлекетпен жасалды. 2019 жылы – 28, 2020 жылы – 10 адамды алмастырдық. Алдағы уақытта Өзбекстан, Кипр, Доминикан Республикасымен осындай келісімге келуді көздеп отырмыз», – деді депутат Сүйіндік Алдашев Парламент Сенатының отырысында.

Өз кезегінде Марат Ахметжанов шетелде жазасын өтеп жатқан қазақстандықтардың басым көпшілігі Ресейде екенін айтты.

«Бүгінгі күні 735 адам шетелдердегі түрмеде отыр. 70 пайызы, яғни 537-і Ресейде. Олар біздің елдің азаматтары саналғанымен олар сонда жұмыс істеген, отбасыларын сонда көшіріп, сол жақта өмір сүрген азаматтар. Олар қайтыс келем десе, мүмкіндіктері бар. Екі елдің келісімшарты негізінде қайта алады. 2019-2020 жылы Ресей тарапынан үш азаматтың қайтарудан бас тартылды. Алдымен шығынды өтеуі керектігін алға тартты. Біз қазір мұндай келісімді Өзбекстанмен жасауды көздеп отырмыз. Себебі онда біздің 24 азамат түрмеде жазасын өтеуде. Ал біздің түрмеде Өзбекстанның 400 азаматы отыр. Егер осы келісімшартқа қол жеткізсек, бізде жазасын өтеушілерді өзара алмасу мүмкіндігі пайда болады», – деді спикер.

Марат Ахметжанов

«Қазір Біріккен Араб Әмірліктерінде, өкінішке орай, біздің 6 азаматымыз, оның ішінде 5 ер адам және бір әйел адам қамауда отыр. Тиісінше, осы заңға ел Президенті қол қойған кезде Қазақстан Республикасының Бас прокуратурасы уәкілетті орган ретінде оларды отанына қайтару шараларын қабылдайтын болады», – деді депутат Сәуле Айтпаева.

Бүгін пленарлық отырыста Біріккен Араб Әмірліктерімен осындай келісім ратификацияланды.

x
2020-10-26
Утром3.72 ℃
Днем6.93 ℃
Вечером5 ℃
Ночью4.85 ℃
Влажность60 %
ДавлениеhPa 1019
Скорость ветра6.74 м/с
2020-10-27
Утром-0.93 ℃
Днем4.6 ℃
Вечером1.85 ℃
Ночью0.72 ℃
Влажность66 %
ДавлениеhPa 1031
Скорость ветра4.71 м/с