Оралда балалар үйінен қашып кеткен жеткіншектер табылды
Батыс Қазақстан облысында балалар ауылынан қашып кеткен екі тәрбиеленушісі табылды, деп хабарлайды БҚО полиция департаменті.
Орал қаласы Зашаған кентінің полиция кезекші бөліміне Орал қаласының 152 атқыштыр дивизиясы көшесінде орналасқан облыстық балалар ауылының басшылығы балалардың жоғалғаны туралы хабарлаған.
Айтуларынша, кәмелет жасына толмаған екі жеткіншек балалар ауылынан қашып кеткен. Олар — 2005 жылы 19 мамырда туған Сергей Таишев және 2006 жылы 10 қыркүйекте дүниеге келген Илья Шканов.
Олар 24 қыркүйек таңғы сағат 10:00 шамасында Орал қаласындағы балалар ауылынан шығып кеткеннен қайтып оралмаған еді.
Бүгін, БҚО полиция департаментінің баспасөз хатшысы Болатбек Белгібеков ювеналды полиция қызметкерлері жасөспірімдерді тапқанын айтты. Қазіргі уақытта ұлдар жанұялық үлгідегі балалар ауылында.
