БҚО-да монополистер тарифтерді көтеруге өтінім берді
Монополистер 2021 жылдың қаңтарынан бастап өз қызметтеріне шекті тарифтерді арттыруды сұрайды.
Осы жылы Табиғи монополияларды реттеу комитетінің БҚО бойынша департаментіне табиғи монополиялар субъектілерінен 2021 жылға арналған шекті тарифтерді бекітуге өтінімдер келіп түсті: «Батыс су Арнасы» ЖШС, «Жайықжылуқуат» АҚ, «Батыс Қазақстан Электржелістік Тарату Компаниясы» АҚ, «ҚазТрансГазАймақ» АҚ, «Қазсушар» ШЖҚ РМК БҚФ, «Батыс Қазақстан машина жасау компаниясы» АҚ, «Ақсайжылукуат» АҚ және «Батысэнергоресурстар»ЖШС-дан хабарлама.
Өтінім жобаларын қарау барысында базалық субъектінің бірі «Батыс су Арнасы» ЖШС-нің өтінімі қабылданбады, деп хабарлады БҚО бойынша ТМРА. Себебі, инвестициялық бағдарламаның ұсынылған жобасында іс-шаралар негіздеуші құжаттармен расталмаған, сондай-ақ желілерді қайта жаңартуға бағытталған іс-шаралар жоқ.
— Сондай — ақ Бөрлі ауданының ірі субъектілерінің бірі — «Ақсайжылуқуат» АҚ-ның өтініші құжаттардың толық емес пакетін ұсынуына байланысты үш рет қабылданбады. Жылуға қатысты «Жайықжылуқуат» АҚ тарифі мен тарифтік сметасын бекітуге екінші өтінім келіп түскенін атап өткім келеді, бірінші өтінім 2020 жылғы 30 Маусымда келіп түсті және ол қабылданбады, — деп хабарлады БҚО бойынша ТМРА-да.
«Жайықжылуқуат»-тан тарифті көтеру туралы екінші өтінім шілде айында келіп түсті және қарау сатысында.
— Тариф пен тарифтік сметаның жобалары Жария тыңдаулар өткізу кезінде талқылауға шығарылады, оған қоғамдық бірлестіктердің өкілдері, облыстық мәслихат депутаттары, жергілікті атқарушы органның өкілдері, сондай-ақ барлық мүдделі тұлғалар қатыса алады, — деп түсіндірді монополияға қарсы комитетте.
Өткізу уақыты мен орны Комитеттің ресми сайтында және Департаменттің Facebook әлеуметтік желісінің парақшасында жарияланған:
— 6 қазанда сағат 15.00-де газ тарифін көтеру бойынша тыңдау өтеді. Мекенжайы: Орал қ., Гагарин к-сі, 29, 4 қабат, 406 кабинет;
— 20 қазанда сағат 11.00-де Сайхында «Қазсушар»ШЖҚ РМК су беру тарифін көтеру бойынша тыңдау өтеді. Мекен-жайы: БҚО, Сайхин кенті, Әзірбаев көшесі, 102;
— 23 қазанда сағат 10.00-де «Батыс Қазақстан машина жасау компаниясы»АҚ электр энергиясын беру тарифін өзгерту бойынша жария тыңдау өтеді. Мекенжайы: Орал қаласы, Орда көшесі, 1/0, 2 қабат, акт залы;
— 23 қазанда сағат 15.00-де «Жайықжылуқуат»АҚ электр энергиясы мен жылу беру тарифін өзгерту бойынша Жария тыңдаулар өтеді. Мекен-жайы: Орал қаласы, ЖЭО ауданы, акт залы.
Монополияға қарсы комитет бұл өтінімдер бойынша шешім қабылдау 2020 жылдың қараша айының соңында жоспарланғанын атап өтті. Қазіргі уақытта өңірде Коммуналдық қызметтерге тарифтерді көтеру туралы айтуға әлі ерте.
