Оралдықтар қауіпті үйден қорқады

Орал тұрғындары қауіпті үйге шағымданады. Бір қабатты ғимарат Мұхит көшесінде тергеу изоляторының жанында орналасқан. 2019 жылдың басында қардың салдарынан үйдің төбесі құлады. Осыдан кейін адамдар пәтерлерге эвакуацияланды. Ал баракты бұзып, орнына жаңа ғимарат салуға уәде берді. Бірақ бұл әлі болған жоқ.

Кеше кеште ғимарат өртенді. Өрт орнына өртке қарсы қызмет қызметкерлері шақырылды. Олар өртті сөндірді. Адамдар бұл үшінші рет болып жатқан өрт екенін айтады.

— Балалар үйдің төбесінде жүгіріп жүреді. Үшінші рет өрт шықты. Көршілердің сарайы бірге өртенді, — деді қала тұрғыны Светлана Нетесова.

Қазір қала орталығында орналасқан үйге ешкім қарамайды. Аумақ қоршалмаған және ешкім күзетпейді. Құрылым басқаларға қауіп төндіреді дейді адамдар.

— Ғимарат қараусыз қалды. Мұнда үйсіз адамдар арақ ішеді. Балаларды қуудан шаршадық, — деп атап өтті Күләш Жансейітова.

Қалалық тұрғын үй-коммуналдық шаруашылық бөлімінде ғимарат апатты деп танылғанын атап өтті. Бірақ жер учаскесіне салушы әлі анықталған жоқ.

— Тұрғындар уақытша пәтерлерге көшірілді. МЖӘ (Мемлекеттік-жеке әріптестік) қағидаты бойынша үй салу жоспарлануда. Әзірге мердігер ұйым іздеп жатырмыз, — деді Орал қаласының ТКШ, ЖК және АЖ бөлімінің басшысы Жандос Дүйсенғалиев.

Айта кету керек, шатыр құлағаннан кейін ғимарат тұрғын үй үшін жарамсыз деп танылды.