БҚО-да ұрланған көлікті жағып жіберген

БҚО полиция департаменті Бәйтерек ауданы Көшім ауылында отыз жастағы ер адамнан «ВАЗ-2110» автокөлігі ұрланғанын хабарлады.

Ұры бірнеше сағаттан кейін ұсталды. Ол Көшім ауылының 30 жастағы жұмыссыз тұрғыны болып шықты. Ұсталған азамат кінәсін мойындады. Ұрланған көлік Озерное ауылының маңындағы «Степное» су қоймасының қамыстарынан өртенген күйінде табылды.

– Бәйтерек аудандық полиция бөлімі ҚР ҚК 200-бабы 1-бөлігі (айдап әкету) бойынша сотқа дейінгі тергеуді бастады. Жәбірленуші келтірілген залалды 550 000 теңгеге бағалады, – деп хабарлады полиция департаментінің баспасөз қызметі.

Енді жұмыссыз ұрлаушы автокөлік иесіне 550 мың теңге төлеуі тиіс.