Қазақстанға келген кезде covid-19-ға қатысты анықтамасы жоқ азаматтар карантиндік стационарға жатқызылады
Тек Қазақстан азаматтары ғана карантинге алынады. Ал Ресей азаматтарын шекарада коронавирусқа арналған анықтамасыз Қазақстанға жібермейді. Бұл туралы БҚО тауарлар мен қызметтердің сапасы мен қауіпсіздігін бақылау департаментінде айтылды.
— Көрші Ресейден келген азаматтарға коронавирустың жоқтығы туралы анықтама қажет. Әйтпесе, олар кері қайтуға мәжбүр болады, оларды Қазақстан аумағына жібермейді, — деп хабарлады департаменттен.
Сондай-ақ, ведомствода анықтамасыз қазақстандықтарды коронавирусқа талдау жасау үшін карантиндік стационарға жолдайды деп толықтырды. Стационарда болу уақыты-екі тәулікке дейін. Коронавирус анықталған жағдайда науқас емделуден өту үшін облыстық жұқпалы аурулар ауруханасына ауыстырылады.
