БҚО-да коронавируспен күрес шараларына 12 млрд теңге бөлінді
БҚО денсаулық сақтау басқармасының баспасөз қызметі мәлім еткеніндей, соның ішінде Үкімет резервінен 3 183,1 млн теңге қарастырылды.
Жергілікті қазынадан 974,1 млн теңге бағытталды. Орал қаласында салынып жатқан модульдік аурухана құрылысына 7 225,0 млн теңге бөлінді. Жергілікті бюджеттің 707,9 млн теңгесі жеке қорғаныс құралдарын, жанар-жағар май, медициналық жабдық және басқа шығындарға жұмсалды. Сондай-ақ демеушілер де 20,3 млн теңге көлемінде өз үлестерін қосты.
Облыста коронавирус жұқтырғандар саны 7 мыңға жетсе, соның 6818-і жазылып шықты. 117 адам көз жұмды.
Соңғы тәулікте 8 адам тіркелді.
Сол секілді пневмонияға шалдыққан 117 адам емделу үстінде. Бұл дерттен 214 адам қайтты.
Жасанды тыныс алу аппаратына қосылған ешкім жоқ. 5 адам оттегі концентраторын пайдалануда.
Қазіргі таңда облыстық жұқпалы аурулар ауруханасында 83 адам жатыр. 7 адам жансақтау бөлімінде. Оған қоса 29 адам карантиндік стационарда бақылануда.
