Қазақстанда COVID-19 ауруының күрт өсуі тіркелді

Өткен тәулікте коронавирустық инфекция 610 адамнан анықталған.

Ақмола, Қостанай, Павлодар, Батыс Қазақстан және Солтүстік Қазақстан облыстарында карантин шаралары күшейтілді.

Қазақстанда өткен тәулікте коронавирус инфекциясын жұқтырған 610 адам тіркелді.

Республика бойынша ең көп науқас тіркелген өңірлер:

ШҚО – 254;

Павлодар облысы – 61.

Республика бойынша барлығы 116 772 адам коронавирус инфекциясын жұқтырса, емделіп жазылғандары – 107 843.

Денсаулық сақтау министрлігінің мәліметінше, Covid-19 жұқтырып, қайтыс болғандар саны 1 899-ға жетті.

1 тамыздан бері коронавирустық пневмониямен 39 104 адам ауырып, 409 науқас көз жұмған (8 қарашада тіркелген науқас саны – 46, көз жұмғандардар жоқ).

«Қазіргі уақытта коронавирустық инфекциядан 7 030 адам ем қабылдауды жалғастыруда. Олардың арасында 375 бала бар. Стационарларда 2 813 науқас жатыр. 4 217 адам амбулаториялық жағдайда емделуде. Жалпы науқастардың арасында 190 адамның ахуалы нашар. Соның ішінде 20 науқастың ахуалы аса қатты ауыр деп бағалануда. 27 науқас өкпені жасанды желдету аппаратында жатыр» делінген Денсаулық сақтау министрлігінің хабарламасында.