«Жаңа жылдық мерекелер болмайды. Оданда ол ақшаны кәсіпкерлерді қолдауға бағыттау керек»
БҚО әкімі Ғали Есқалиев коронавирус инфекциясын алдын алу бойынша жедел штаб отырысында жаңа жылдық кеш болмайтынын айтты.
Әкім жаңа жыл мерекесіне жұмсалатын ақшаны панадемия кезінде шығынға ұшыраған кәсіпкерлерге көмектесуге бағыттан дұрыс деді.
— Ешқандай корпоративтер болмайды. Егер ұжымдарда ақша болса, онда мерекенің жаңа форматтары туралы ойлану керек. Ешкімнің көңіл-күйін бұзғым келмейді, бірақ ақшаны қайырымдылыққа бағыттаған дұрыс. Өйткені кәсіпкерлер шығынға ұшырады. Сондықтан кәсіпкерлерге көмектесуіміз керек, — деді Ғали Есқалиев.
Айта кетейік, БҚО-да коронавируспен сырқаттанушылардың саны күн санап өсуде: өткен тәулікте 37 адамнан індет анықталды.
Серік ЕСЕНОВ
