БҚО-да санитарлық нормаларды бұзғаны үшін енді мейрамхана иелерімен бірге асаба, әнші және келген қонақтар да жауапқа тартылады
Енді мониторинг тобының мүшелері тәртіп бұзушыларды жауапкершілікке тарту үшін полиция қызметкерлеріне асаба, музыканттар мен қонақтар туралы ақпарат береді.
Өткен демалыс күндері мониторингтік топ мүшелері карантиннің бес бұзылуын, оның ішінде бұқаралық іс-шараларды өткізудің екі фактісін анықтады. 60-қа жуық қонақ жиналған салтанатты шара «Айбат»мейрамханасында өтті. Бұл мекеменің иесі жауапқа тартылды, ал қонақтар үйге кетіп үлгірді.
БҚО санитарлық-эпидемиологиялық бақылау департаменті басшысының орынбасары Нұрлыбек Мұстаев шараға келген қонақтарды неге жауапқа тартпайды деген сұраққа жауап берді.
Мониторинг тобының жетекшісі Аслан Жармұханов олардың сана сезіміне сеніп, адамдарды әлі де жауапқа тартпағандарын атап өтті.
– Енді, осы демалыс күндерінен бастап, жаппай іс-шараны өткізу анықталған кезде біз тек үй-жайдың иесін ғана емес, музыканттарды, тамаданы, сондай-ақ қонақтарды да жауапқа тартатын боламыз. Содан кейін материал жергілікті полиция қызметіне жіберіледі, ал сол жерден айыппұл салу үшін СЭС-ке жіберіледі. Сонымен қатар, музыканттар мен тамада заңды тұлға ретінде жауапқа тартылады. Біз адамдар бұқаралық іс – шараларға бармас деп ойладық, бірақ бұл болмады, сондықтан біз осындай шараларға баруға мәжбүрміз, – деді Аслан Жармұханов.
Соңғы уақытта елімізде ауру жұқтырғандар саны күрт өсіп кетті. Қазақстанда өткен тәулікте коронавирус инфекциясын жұқтырған 822 адам тіркелді. Өңірімізде 44 адамнан анықталып, жалпы саны – 7687 болды. Қазіргі уақытта елде коронавирустық инфекциядан 10 838 адам ем қабылдауды жалғастыруда. Олардың арасында 511 бала бар. Стационарларда 3 127 науқас жатыр. 7 711 адам амбулаториялық жағдайда емделуде.
Жалпы науқастардың арасында 224 адамның ахуалы нашар. Соның ішінде 24 науқастың ахуалы аса қатты ауыр деп бағалануда. 23 науқас өкпені жасанды желдету аппаратында жатыр.
