БҚО-да мектептер жағдайы

БҚО-да 379 мемлекеттік мектептің 251-і штаттық, 128-і қашықтан жұмыс істеуде.

Мемлекеттік мектептердергі оқушылар контингенті 111 мыңнан астам болса, солардың 20%-ы (22 868 оқушы) штаттық режимде, ал 48%-ы (53640оқушы) қашықтан оқытылуда. Бастауыш сынып оқушыларының 57%-ы (34 684 оқушы), мектепалды даярлық сыныптарының 54%-ы (4 286 оқушы) кезекші сыныптармен қамтылған.

-Қашықтан оқитын оқушылардың 17 959-ы қайтарымды негізде мектеп теңгеріміндегі компьютерлермен қамтылды. Компьютер, интернетпен бірінші кезекте жетім балалар, ата-анасының қамқорлығынсыз қалған, ерекше білім беру қажеттіліктері бар және аз қамтылған отбасылардан шыққан балалар қамтамасыз етілді, — деді өңірлік коммуникациялар қызметі алаңында өткен брифингіде БҚО білім басқармасы басшысының орынбасары Светлана Темірғалиева.

Есенжол ЕЛЕКЕНОВ