БҚО әкімі орынбасарының жүргізушісі ұрланған малды қызметтік көлікпен тасымалдады деген күдікке ілінді
Батыс Қазақстан облысының полицейлері сиыр ұрлығына байланысты сотқа дейінгі тергеу амалдарын жүргізуде. Аймақ әкімдігінің кезекші жүргізушісі күдікке ілінді, деп хабарлайды NUR.KZ.
БАҚ-та БҚО әкімінің орынбасары Аманжол Алпысбаевтың жүргізушісі мал ұрлығына қатысы болуы мүмкін деген ақпарат пайда болды. 17 немесе 18 қарашада болған ұрлық үшін ол Toyota Camry қызметтік көлігін пайдаланған.
«Жүргізуші ұрланған малды Алғабастан Оралға тасымалдау кезінде полиция бекеттері арқылы өту үшін көлікті пайдаланған», – делінген анонимді хабарламада.
Облыстық полиция департаменті бұл ақпаратқа түсініктеме берді. Алайда тергеу мүддесі үшін ұстаудың егжей-тегжейін ашпады.
«Мал ұрлығы» жедел алдын алу іс-шарасы барысында төрт Оралдық ұсталды. Олар бір бас ірі қара малды еркін жаюдан ұрлады деген күдікке ілінді», – деді БҚО ПД ресми өкілі Болатбек Белгібеков.
БҚО әкімдігінің баспасөз қызметі аталған жүргізушіге белгілі бір автокөлік бекітілмегенін атап өтті. Ол өңір әкімдігінің шаруашылық басқармасында кезекші болып жұмыс істеді.
«Қазір бұл қызметкер жұмыстан босатылды», – деп атап өтті БҚО әкімдігі.
