Қала тұрғындары Орал қаласының мектеп залдарында тегін спортпен шұғылдана алады

Ол үшін қала әкімшілігі 23 жалпы білім беретін мектепке спорт залдарын бөлді.

Мектеп спорт залдары Орал тұрғындары үшін 10 желтоқсаннан бастап қолжетімді болады. Дене шынықтыру және спорт бөлімінің басшысы Артур Шерғалиевтің айтуынша, кез келген адам өз командасын жинап, оқу орнына келіп, спортпен шұғылдана алады.

– Басты мақсат – белсенді өмір салтына тарту, Халықтың денсаулығын нығайту және бұқаралық спортты дәріптеу. Қазір спортзалға келіп, волейбол, баскетбол, футзал және хоккей сияқты ойындар ойнағысы келетін адамдар көп. Ол үшін біз қала тұрғындарына 23 жалпы білім беретін мектептің спорт залдарын ұсынуды жөн көрдік. Төлем алынбайды, сіз аптасына бес күн келе аласыз: дүйсенбі, сәрсенбі, жұма 19.00-ден 21.00-ге дейін және сенбі және жексенбі 9.00-ден 21.00-ге дейін. Залдарда дене шынықтыру мұғалімдері кезекшілік етеді, – деді Артур Шерғалиев.