Оралда жиырмаға жуық адам ұсталды
10 қаңтарда Орал қаласының әкімдігі жанындағы орталық алаңында «адал өтпеген сайлауға» наразылық білдіру үшін 20-ға жуық адам жиналды. Олардың барлығы ұсталды. Ұсталғандарды Батыс Қазақстан облысының полиция департаменті растады.
— Маған Абай алаңына 25-ке жуық адам жиналғаны хабарланды. Бұл қала тұрғындары, бүгін біздің елімізде өтіп жатқан сайлауға қарсы шыққысы келген жанашыр азаматтар. Сайлау таңдаусыз, адал емес, – деді азаматтық белсенді Бекболат Өтебаев телефон арқылы.
Екінші топтағы мүгедектігі бар Өтебаев бейбіт жиналысқа қатыспақшы болғанын, бірақ «денсаулығына байланысты» бара алмағанын хабарлады.
Полиция департаментінің мәліметінше, 21 адам ұсталды.
Мәжіліс пен мәслихаттардың кезекті сайлауы күні ұстау басқа қалаларда — бірнеше оппозициялық топтар наразылықтар өткізу үшін жинау нүктесі ретінде белгілеген жерлерде өтті.
Алматыда полиция Республика алаңында және Астана алаңының жанында ондаған адамды ұстады. Қазақстанның демократиялық партиясын құру жөніндегі бастамашыл топ белсенділері мен «Oyan, Qazaqstan» жастар қозғалысының қатысушылары Республика алаңында қоршалды.
Елордада Жастар сарайының алдындағы алаңда кем дегенде алты адам ұсталды.
Ол Азия, Африка, Австралия мен Американың ең ірі шөлейт даласын жалғыз өзі жаяу кесіп өткен, есімі дүйім жұртқа танымал марафоншы Марат Жыланбаевты Қазақстан астанасында полиция ұстады. Жеті әлемдік рекорд орнатқан спортшы билікке наразылар сайлаудың әділ өтпегені туралы митинг өткізеді деп жоспарланған жерге барғанда ұсталған.
Бірлі-жарым ұстау Ақтөбе қаласында, Қазақстанның батысындағы қалада және Шымкентте, елдің оңтүстігіндегі Республикалық маңызы бар қалада өтті.
Бұл парламенттік сайлау — Қазақстанды 30 жылға жуық уақыт басқарған, 2019 жылы президенттік өкілеттігін тоқтатқанына қарамастан, бұрынғысынша мемлекеттік аппаратқа ықпалын сақтап келе жатқан, ықпалды Қауіпсіздік кеңесін өмір бойы басқарып отырған және елдің саяси алаңында үстем болып отырған «Нұр Отан»партиясының төрағасы болып табылатын Нұрсұлтан Назарбаев отставкаға кеткеннен кейін алғашқы рет өтті. Жұмыс істеп тұрған Парламентте, «Нұр Отаннан» басқа, тағы екі бағынышты партия — «Ақ жол» және Қазақстанның Халық партиясы (бұрынғы Қазақстанның Коммунистік Халық партиясы) бар, олардың мәжілісте жеті орны бар («Нұр Отанда» 84). Бұл сайлауға жоғарыда аталған үш партиядан басқа тағы да «Ауыл» мен «Адал» (бұрынғы «Бірлік») қатысады. Тағы бір ресми тіркелген Жалпыұлттық социал-демократиялық партия, сайлауға бойкот жариялады.
Батыс байқаушылары Қазақстанда өткен сайлаудың ешқайсысын оппозициялық кандидаттарға қарсы қуғын-сүргіндер және сөз бостандығын шектеу туралы мәлімдей отырып, еркін және әділ деп таныған жоқ.
Дереккөз: azattyq.org
