Ерікі QazСovid-in вакцинасынан қайтыс болса 500 теңге төлем жасалады

Қазақстандық QazСovid-in вакцинасын сынақтан өткізу кезінде ерікті қайтыс болса, 500 мың теңге мөлшерінде сақтандыру көзделген. Бұл туралы клиникалық сынаққа қатысатын еріктілердің бірі хабарлады, деп жазады Kaz TENGRINEWS.

Қатысушының айтуынша, еріктілерге жарты миллион теңге мөлшерінде сақтандыру төленетіні айтылған. Сертификатқа сәйкес, сынақ субъектісінде вакцинация салдарғаннан I, II, III топтағы мүгедектік немесе өлім жағдайы тіркелсе төлемақы беріледі. Сақтандыру 180 күнге (6 ай) жарамды.

Бұған дейін клиникалық сынаққа қатысқандарға 200 мың теңге көлемінде сыйақы төленетіні уәде етілген. Алайда, салықтар мен әлеуметтік төлемдерді ескерсе, түпкілікті сома шамамен 160 мың теңге.

QazСovid-in қазақстандық вакцинасын клиникалық зерттеу III кезеңнен тұрады және оған 3 мың адам қатысады. Еріктілер Алматы мен Тараз қалаларында қабылданды.

Вакцина салудың екі кезеңі бар: бірінші дозаны 1-күні, екінші дозаны – 21-күні салады.

Айта кетейік, бұл вакцинаны білім және ғылым министрі Асхат Аймағамбетов, Жамбыл облысының әкімі Бердібек Сапарбаев және Президенттің көмекшісі Ерлан Қарин салған болатын.