БҚО-да 5 көліктің қатысуымен ірі жол апаты орын алды. Бір адам қаза тапты
Апат бүгін сағат 11 шамасында республикалық тас жолда орын алды. Chevrolet Aveo жүргізушісі қарсы жолаққа шығып кетіп, 4 автокөлікті іліп кетті. Жол апаты салдарынан Lada granta жолаушысы қаза тауып, тағы 3 адам ауруханаға жеткізілді.
«Бүгін сағат 10.39-да БҚО ПД кезекші бөліміне Ақжайық ауданының Алғабас елді мекеніндегі Республикалық маңызы бар тас жолда Lada granta, Volkswagen Passat,Toyota Camry, ВАЗ -2114, Chevrolet Aveo маркалы 5 автокөліктің қатысуымен жол-көлік оқиғасы орын алғаны» туралы хабарлама келіп түсті.
Жол апаты салдарынан Lada granta автокөлігінің жолаушысы қаза тапты, бұдан басқа екі зардап шегуші бар», — деп хабарлады БҚО ПД ресми өкілі Болатбек Белгібеков.
Кейін ол жол-көлік оқиғасы Chevrolet-тің қарсы жолаққа шығып кетуінен болғанын атап өтті.
«Шевролет Авео «қарсы бағытқа» шығып, «Лада Гранта» көлігімен және басқа да автокөліктермен соқтығысты, нәтижесінде 1962 жылы туған Лада Гранта жолаушысы оқиға орнында қаза тауып, 3 адам түрлі жарақатпен Ақжайық ауданының ОАА жеткізілді. Аталған факті бойынша ҚР ҚК 345 — бабы (Жол қозғалысы ережелерін бұзу немесе көлік құралдарын басқаратын адамдардың көлік құралдарын пайдалану) бойынша сотқа дейінгі тергеу басталды», – деп толықтырды Болатбек Белгібеков.
