БҚО дезинфекция орталығының басшысы бес жылға бас бостандығынан айырылды
Бұл туралы онлайн-брифингте Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Бигайдаров мәлімдеді, деп хабарлайды «ҚазАқпарат» ХАА тілшісі.
Батыс қазақстан облысы бойынша дезинфекция орталығының басшысы 5 жылға бас бостандығынан айырылды, ол заңсыз тіркелген, қарамағындағы компанияларға дезинфекциялау құралдарын жеткізуге жеңілдіктер беріп келген.
«Батыс Қазақстан облысында лауазымдық өкілеттіктерін асыра пайдаланғаны, қызметтік жалғандығы және кәсіпкерлік қызметке заңсыз қатысқаны үшін 5 жылға бас бостандығынан айыруға, Батыс қазақстан облысы бойынша дезинфекция орталығының басшысы А.С. Омарғалиева сотталды»,-деді Данияр Бигайдаров.
Сыбайлас жемқорлыққа қарсы қызметтің түсіндіруінше, ол 2017-2018 жылдар кезеңінде заңда белгіленген тыйымға қарамастан, өзінің қарамағындағы «Дезснабсервис» ЖШС және «Life Green» ЖШС тіркеу, осы кәсіпорындарды одан әрі басқару және оларға ТМҚ (дезинфекциялау құралдары) жеткізуге шарттар жасасу түрінде жеңілдіктер мен артықшылықтар беру арқылы кәсіпкерлік қызметке заңсыз қатысқан.
