Баласын дәретханаға тастаған: БҚО-да 19 жасар қызға үкім шығарылды

Ол баланың әкесі жауапкершілікті қабылдаудан бас тартқасын оны дәретханаға тастаған.

Батыс Қазақстан облысы Казталов ауданының тұрғыны жаңа туған нәрестесін сырттағы дәретханаға тастағаны үшін, екі жылға бас бостандығынан айырылды, деп хабарлайды. Liter.kz.

№2 Казталов аудандық соты 19 жастағы студентті «Жаңа туған баланы анасының өлтіруі» бабы бойынша кінәлі деп тапты.

Судья Айбар Бижанов: «Оған екі жылға бас бостандығын шектеу жазасы тағайындалсын», — деп үкім шығарды.

Іс материалдарына сәйкес, Ж.Досмұхамедов атындағы жоғары педагогикалық колледжінің екінші курс студенті 2020 жылдың қыркүйегінде танысынан жүкті болғанын білді. Қыз бұл туралы ешкімге айтпады.

«23 қарашада сотталушы үйде отырып дәлізге шығып, ұл бала босанған. Не істерін білмеген ол, баланың кіндігін қайшымен кесіп, баланы целлофан пакетіне орап, түйіндеп байлап, жеке үйдің сарайында орналасқан көше дәретханасына тастаған. Содан кейін ол дәліздегі қанды сүртіп, өзі жуынып, бөлмесінде жатып қалған. Дүкеннен оралған қыздың анасы қызының өзін нашар сезінгенін көріп, жұбайымен бірге ауруханаға жеткізді. Сол кезде болған оқиға туралы белгілі болған», — делінген үкімде.

Қыз өз кінәсін толық мойындады. Оның айтуынша, жүктілік туралы білгеннен кейін оның жігіті бала үшін жауапкершілікті қабылдаудан бас тартқан. Ата-ананың қаһарынан қорқып, қыз жаңа туған нәрестеден құтылуды шешкен.

Сарапшының қорытындысына сәйкес, сәбидің өлімінің себебі — тұншығу.