БҚО-да мұнай өңдеу зауытының құрылысы қайта басталады
Осы кезге дейін мердігер мен қосалқы мердігерлер арасындағы сот процестеріне байланысты құрылыс тоқтатылған еді.
Теректі ауданының әкімі Арман Өтеғұловтың айтуынша, биыл Алғабас ауылында МӨЗ салу үшін қаржыландырудың бірінші траншы түседі.
– Олар жұмысын қайта бастайды. Биыл құрылысқа 50 миллионға жуық қаражат игерілуі керек. Үш жыл бойы олар ақша салады. Құрылыс кезінде жаңа жұмыс орындары ашылады. Әкімдік тарапынан құрылыс-монтаж жұмыстары кезінде жергілікті тұрғындар арасынан жұмысшылар жалдау туралы тапсырма берілді. Оқуды бітіргеннен кейін кәсіби мамандар жұмыс істейтін болады, – деді Арман Өтеғұлов.
Естеріңізге сала кетейік, 2019 жылдың мамыр айында зауыт құрылысына қатысты алғашқы жанжал шыққан болатын. Әлеуметтік желілерде мұнай өңдеу зауыттарын салатын жұмысшылар кішкентай бөлмеде азық-түлік маркаларына кезекте тұрған бейне пайда болды. Сол кезде МӨЗ құрылысына техникалық қадағалауды жүзеге асыратын «Aecom-kz» ЖШС инженерлік ұйымының өкілі Александр Резвый кәсіпорында 270-ке жуық адам еңбек ететінін және оларда тамақ пен ауыз сумен ешқандай проблемалар жоқ екенін айтты.
Өткен жылдың желтоқсан айында БҚО әкімдігінің баспасөз қызметі Тапсырыс беруші «АВЅ-Мунай» ЖШС мен мердігер «Евро Стандарт ЛТД» ЖШС арасында туындаған келіспеушіліктерге байланысты Теректі ауданы Алғабас ауылының аумағындағы мұнай өңдеу зауытының құрылысы объектісінде құрылыс-монтаждау және жобалау жұмыстары тоқтатылғанын хабарлады. Нәтижесінде «Евро Стандарт ЛТД» ЖШС-де 2019 жылғы қыркүйек айындағы жалақы бойынша 132 қызметкердің алдында 12,6 миллион теңге мөлшерінде берешек пайда болды. 2020 жылдың маусым айында қосалқы мердігерлер «Евро Стандарт ЛТД» ЖШС мердігерін қарызға айыптады және соттар басталды.
ТАҚЫРЫП БОЙЫНША:
