БҚО-да 17 мектеп карантинге жабылды
Облыста коронавирус індетінің өршуіне байланысты 17 мектеп екі апталық карантинге жабылды. Оқушылар қашықтан оқитын болады.
Бұл туралы БҚО санитарлық-эпидемиологиялық бақылау департаментінің баспасөз қызметі мәлімдеді.
– Мұғалімдер мен оқушылар арасында коронавирус инфекциясының табылуына байланысты барлығы 17 мектеп екі апталық карантинге жабылды. Оның 9-ы облыс бойынша болса, қалған 8-і қалалық мектептер. Оқушылар қашықтан оқитын болады, – деді баспасөз қызметі.
Айта кетейік, облыста оқушылар мен мұғалімдер арасында коронавирус жұқтыру көбейіп кетіп отыр.
Серік ЕСЕНОВ
