БҚО-да көлік апатынан төрт адам қаза тауып, алты адам зардап шекті
Қайғылы оқиға 26 ақпан күні Ақжайық ауданы Атамекен ауылы Орал-Атырау тас жолында орын алды.
— Орал-Атырау тас жолының 259 шақырымында екі «Тойота Камри» автокөлігі соқтығысты. Жол-көлік оқиғасы салдарынан төрт адам көз жұмды, алты кісі Ақжайық аулы ауруханасына жеткізілді,-деді БҚО полиция департаменті баспасөз қызметі.
Департамент баспасөз қызметінің хабарлауынша, көлік жүргізушілерінің біреуі патрульдік полиция қызметкерлерінің талаптарына бағынбай тоқтаусыз жүре берген. Ескертуді елемегеннің кесірі – бірнеше адамның өліміне әкеп соқты. Апттан соң бұл бағыттағы тас жол уақытша жабылды.
БҚО денсаулық сақтау басқармасы баспасөз қызметінің мәліметінше, зардап шеккендердің біреуі СҚО тұрғыны, қалғандары БҚО тұрғындары. Біреуінің дерегі белгісіз, анықталу үстінде.
