КЕЛДІ-КЕТТІ, НЕ ТЫНДЫ?…
«БҚО на ҚР Ішкі істер министрі Е.Тұрғымбаев келеді, қылмыстары ашылмай жатқан аймақтың сылбыр басшысын сілкіп, ішкі істер департаментінің «қожасын» қызметінен алады-мыс» деген әңгімеге нүкте қойылған сияқты.
Керісінше «Балам, балам, жан балам, Айналайын садағам» деп басынан сипап кетіпті. Демек «гайшник бала» әлі ұзаққа шабады деген сөз. Қайбір жылдары көрші аймақтың генералдарының бірін «атқа мінді» деп, бірін «жаман сөз айтты» деп тақтан түсіргенде, Мақсұтханның ғана маңдайына «жел тимейді» екен… Сонда деймін-ау, бұ шалдардың өздігінен қозғалатын түрлері жоқ па?
«Қызмет ауыстырып, жастарға орын берейік, кішкене «ауа жұтайық» деген ойлары жоқ па? Әлде інісі миллионер болса болды, оған ешкім тиіспеу керек пе? Немесе отыра-отыра омалып, жұмсақ креслоға жамбастары жабысып қала ма??? Біраз жұмбақтың шешуін таба алмай қартаятын болдық қой…
