Иманғали Тасмағамбетов «КАМАЗ» КАҚ Директорлар кеңесіне сайлануы мүмкін
Қазақстанның Ресейдегі бұрынғы елшісі Иманғали Тасмағамбетовті Ресейдің КАМАЗ автомобиль корпорациясының Директорлар кеңесінің құрамына қосу ұсынылды, деп хабарлайды zakon.kz.
КАМАЗ КАҚ Директорлар кеңесінің компания директорлар кеңесіне мүшелікке кандидаттарды ұсыну жөніндегі сырттай дауыс беру кезінде акционерлердің директорлар кеңесіне сайлау үшін мен ревизиялық комиссияның құрамына қандидаттар қосу ұсынысы қабылданды, делінген компанияның сайтында.
Бірінші рет Директорлар кеңесіне екі кандидат ұсынылды: Кирилл Пузырков, «КАМАЗ» КАҚ қызметкерлерінің Біріккен Бастауыш кәсіподақ ұйымының төрағасы және Иманғали Тасмағамбетов.
Кирилл Пузырков – 2020 жылдың 6 қазанында кенеттен қайтыс болған КАМАЗ КАҚ Директорлар кеңесінің мүшесі Александр Васильевтің ізбасары. Иманғали Тасмағамбетов 2019 жылдың желтоқсанына дейін Қазақстан Республикасының Ресей Федерациясындағы төтенше және өкілетті елшісі қызметін атқарды. КАМАЗ КАҚ акционерлерінің жыл бойындағы жалпы жиналысы 2021 жылы 4 маусымда өтеді деп жоспарланған, делінген хабарламада.
Иманғали Тасмағамбетов 1956 жылы туған. Еңбек жолын жаттықтырушы, мұғалім болып бастаған. Әр жылдары ҚР Президентінің көмекшісі (08.1993-03.1995); ҚР премьер-Министрінің орынбасары(03.1995-10.1997); ҚР Президентінің Бірінші көмекшісі (09.1998-17.02.1999); Атырау облысының әкімі (18.02.1999-14.12.2000); ҚР премьер-Министрі (28.01.2002-11.06.2003); Алматы қаласының әкімі (08.12.2004-04.04.2008); Астана қаласының әкімі (04.04.2008-22.10.2014). 2017 жылдан бастап Қазақстанның Ресейдегі елшісі болды. 2019 жылғы желтоқсанда зейнеткерлік жасқа толуына байланысты қызметінен босатылды.
