Оралда көшеде көлікпен жүру қиындады
Оралда су астындағы үлкен шұңқырлар автокөліктердің жүруін қиындатты. Адамдар коммуналдық қызметтердің жұмысына наразы.
«Жайық Таза қала»ЖШС-де тәулік бойы қар шығарылып, еріген су сорып алынуда, деп хабарлады.
Оралдағы ең проблемалы учаскелер бұрыннан белгілі. Бұл Зашаған және Деркөл кенттері, Жұлдыз шағын аудандары, қаланың орталық бөлігі.
«Көптеген көшелермен жүру қиын. Сіз келе жатып, су астында көрінбейтін шұңқырға түсіп кетем бе, деп қорқасыз. Биылғы жылы бұрынғыға қарағанда қар көп жауды. Кейбір көшелерде ол тіпті шығарылмады», – дейді жүргізуші Ерлан Сапашев.
Екінші жұмыс ауданы да жыл сайын еріген сумен құйылады. Суды арнайы техниканың көмегімен сорып алады. Бұл ауданда арық жүйесі жоқ.
«Біз көп жылдан бері қорлық көріп келеміз. Жол дұрыс салынбаған. Арықтар жоқ, су тікелей аулаға ағады. Біз құтқарушыларды үйді су баспауы үшін шақырамыз», – дейді жеке сектордың тұрғыны Александра Пономарева.
«Биылғы жылы түскен қардың көлемі өткен жылмен салыстырғанда едәуір асып түсті. Қазірдің өзінде полигондарға 638 мың текше метр қар шығарылды және 10,5 мың текше метр еріген су сорылды. Қазір су айдаумен біздің қызметкерлер айналысады, сондай-ақ бізге БҚО ТЖД және «Батыс Су Арнасы»коммуналдық кәсіпорнының қызметкерлері көмектеседі. Тәулік бойы желіде 120 бірлік техника мен кәсіпорынның үш жүзден астам қызметкері жұмыс істейді. Қазір «109» қызметіне келіп түсетін өтінімдерге қызмет көрсетеміз», – деп атап өтті» Жайық Таза қала » ЖШС директоры Ринат Нұрғалиев.
Айта кетейік, алдағы күндері ауа райы өзгермейді. Синоптиктер нөлдік температура мен жауын-шашынды болжады.
