Қазақстанның бас санитарлық дәрігері жаңа қаулысы шықты
ҚР Бас мемлекеттік санитарлық дәрігері Ерлан Қиясов жаңа қаулыға қол қойды.
«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 104-бабының 1-тармақшасына сәйкес ҚАУЛЫ ЕТЕМІН: «Қазақстан Республикасының мемлекеттік шекарасындағы өткізу пункттерінде коронавирустық инфекция ауруларының алдын алу жөніндегі шараларды одан әрі күшейту туралы» Қазақстан Республикасы Бас мемлекеттік санитариялық дәрігерінің 2020 жылғы 23 қазандағы № 59 қаулысына мынадай өзгеріс енгізілсін: 6-тармақ мынадай редакцияда жазылсын: «6. Қазақстан Республикасы Мәдениет және спорт министрлігі «Қазақстан Республикасы туроператорларының Қауымдастығы» заңды тұлғалар бірлестігімен бірлесіп: 1) Қазақстан Республикасы азаматтарының шетелде демалысын ұйымдастыру кезінде Қазақстан Республикасына COVID-19 әкелінуінің алдын алу жөнінде қосымша шаралар қабылдасын; 2) Қазақстан Республикасына шетелден келетін адамдарға қойылатын талаптардың өзгергені туралы туроператорларды хабардар етсін»,-делінген құжат мәтінінде.
Сонымен қатар, өзгерістер мектептерге және олардың жұмысына қойылатын талаптарға әсер етті.
Қаулы 2021 жылғы 26 наурыз сағат 00-ден бастап күшіне енеді.
Құжаттың толық мәтінімен мына жерде танысуға болады.
