Қазақстан коронавирусқа қарсы Қытай вакцинасын сатып алмақ
Қазақстанның денсаулық сақтау министрі Алексей Цой Қазақстанның қытайлық sinovac вакцинасының 3 млн дозасын және ресейлік «Спутник Лайт» 1 млн дозасын жеткізу туралы уағдаласқанын мәлімдеді, деп хабарлайды zakon.kz.
Алматыдағы медициналық қоғамдастық отырысында ол Pfizer вакцинасы бойынша келіссөздер қатар жүргізіліп жатқанын айтты.
Қазір Қарағанды фармацевтикалық кешенінде өндірілген ресейлік «Спутник V» вакцинасының 150 мың дозасы ел бойынша жеткізілуде, деп атап өтті ол.
Оның айтуынша, 750 мың доза Қарағандыдағы зауытта өндірілген.
«Олар қазір бар. Енді оларды өңірге жеткізу қана қалды. Менің ойымша, келесі аптада бәрі болады. Қарағандылық фармзауыт елге 1 млн доза шығарады. Сонымен қатар, шамамен 2 миллион доза, яғни 3 миллион доза сәуір айында елге келеді,»– деді ҚР Денсаулық сақтау министрі Алексей Цой.
Қазақстанда 2021 жылдың соңына дейін алты миллион азаматты коронавирусқа қарсы егу жоспарлануда.
Жақында Қазақстан Ресейден Ресей вакцинасының 4 миллион дозасын қосымша жеткізуді сұрады.
