Коронавирус: Қазақстан «қызыл» аймаққа кірді
Эпидемиологиялық ахуалды бағалау матрицасындағы көрсеткіштер өзгерді. Соған сәйкес, Қазақстан коронавирустың таралу көрсеткіші бойынша «қызыл» аймаққа өтті деп хабарлайды COVID-19 таралуына жол бермеу жөніндегі ВАК Telegram арнасы.
30 наурыздағы эпидемиологиялық жағдай бойынша:
Нұр-Сұлтан, Алматы қалалары мен Атырау, Батыс Қазақстан облыстары «қызыл» аймақта.
Ақтөбе, Алматы және Қарағанды облыстары «сары» аймақта.
Ал Қазақстанның басқа өңірлері «жасыл» аймақта тұр.
Еске сала кетсек, өткен тәулікте 1445 адамнан коронавирус инфекциясы анықталды. Ауру жұқтырғандардың басым көпшілігі (545 адам) Алматы қаласында тіркелген. БҚО – да 76 адамнан анықталып, жалпы саны 14 952 адамға жетті.
Жалпы ел бойынша коронавирус жұқтырғандар саны 243 318-ге жетіп отыр.
