Қытайдан 3 миллион вакцина құтысын кім сатып алғаны анықталды
Биологиялық қауіпсіздік мәселелері ғылыми-зерттеу институтының бас директоры Күнсұлу Закария Қазақстанның Қытайдан үш миллион бос вакцина құтысын сатып алғанын түсіндірді. Оның айтуынша, флакондарға қазақстандық QazVac (QazCovid-In) вакцинасы құйылады, деп хабарлайды Tengrinews.kz.тілшісі.
«Біздің вакцинаны өндіру үшін біз тиісті флакон түрлерін сатып алдық. Бұған әрқайсысы келе бермейді, белгілі бір сертификатталған құтыны ҚХР-нан алуға тапсырыс бердік. Бұл үш миллион бірлік көлеміндегі бос бөтелкелер біздің институтқа келді. Олар бос. Болашақта оларға біздің вакцина құйылады»,-деді Закария ОКҚ онлайн-брифингінде.
Оның айтуынша, вакциналарға арналған шыны құтылардың құрамына олар сәйкес келетін қатаң талаптар қойылады.
«Ең бастысы, бұл құрам Қазақстан фармакопеясының талаптарына сәйкес болуы тиіс. Сондықтан біз елдің фармакопеясының талаптарына сәйкес флакондарға техникалық сипаттамаларды таңдадық. Біз Шанхайда орналасқан компанияны таңдадық. Көптеген елдер бұл өнімді олардан сатып алады, өйткені бұл өнім қазір тапшы. Флакондарды алу, әрине, белгілі бір қиындықтарға ие болды, бірақ үкімет жақын арада оларды Қазақстанға алып, тасымалдау үшін бар күш – жігерін салды», – деп қосты ол.
Бұған дейін Қытайдан вакциналарға арналған құтыларды жеткізу туралы «Қазақстан темір жолы» хабарлады. Тасымалдаушының хабарламасына сәйкес (осы материал жарияланған сәтте ҚТЖ сайтындағы ақпарат қолжетімсіз болды), 16 наурызда Алматыда Цзянсу провинциясынан коронавирусқа қарсы вакцина үшін үш миллион құты әкелінді.
Жеткізу туралы ақпаратты Қытайдың Қазақстандағы Төтенше және Өкілетті Елшісі Чжан Сяо да растады.
30 наурызда өткен брифингте Денсаулық сақтау министрі Алексей Цой Денсаулық сақтау министрлігінде елдің аумағына құтыларды жеткізу туралы ақпарат жоқ екенін хабарлады.
«Бізде ондай ақпарат жоқ. Егер вакцина Қазақстанға келіп түссе, ол алдымен бізге, реттеушіге, рұқсатқа, оны ел ішінде пайдалану құқығына келуі тиіс. Бізге мұндай өтініштер түскен жоқ. Егер мұндай өтінім келіп түссе, әрине, біз оны қарастыратын боламыз. Қазіргі уақытта менде мұндай мәліметтер жоқ», – деді министр.
