БҚО-да жылу тарифін 15% — ға көтергісі келеді. Қоғамдық тыңдау өтеді
Тыңдау 30 сәуірде сағат 11.00-де карантиндік режимге байланысты онлайн режимінде өтеді.
Қарауға ұсынылатын тарифтік сметалардың жаңа жобалары 2021 жылдан бастап 2026 жылға дейін есептелген. «Жайықжылуқуат» АҚ директоры бұған дейін тарифті кем дегенде 15% — ға көтеруге дайындалып жатқанын айтқан, әйтпесе кәсіпорын өзіне зиян келтіретін болады. Қуат Мусин қазіргі уақытта 1 Гкал жылу энергиясының өзіндік құны 5674 теңгені құрайтынын, ал оны 5000 теңгеге сататынын түсіндірді.
Тыңдау «ZOOM» — да өтеді (конференция идентификаторы: 975 8715 9276, қолжетімділік коды: av26jT), сондай-ақ тікелей эфирді БҚО монополияға қарсы департаментінің басшысы Алмас Отаровтың Facebook-тегі ресми парақшасынан көруге болады.
Туындаған сұрақтар бойынша байланыс нөмірі арқылы хабарласуға болады+7 (7112) 25 — 03 — 83.
Нана Иксанова
