Көп қабатты үйдің тұрғындары бөтелкеге дәрет сындырып, оларды терезеден лақтырады
Оралда Хамид Чурин көшесі, 119 мекенжайындағы көпқабатты үйдің тұрғындары айналасын қоқысқа айналдырды. Терезелердің астында «нәжіске толы» пластикалық бөтелкелер, қоқыс толы пакеттер мен картон қағаздар жатыр. Әлеуметтік желілердегі жариялым қала тұрғындарының наразылығын тудырды. Қалалық әкімдікте шағымдарға жауап берді.
Пост авторы үйдің терезелерінің астындағы қоқыстардан басқа, тұрғындар дәрет сындырып лақтырған бөтелкелер бар екенін атап өтті. Ғимараттың жанында бірден екі жалпы білім беретін мектеп орналасқан.
«Ортақ дәретхана бар, бірақ біреулер өз бөлмесінен шығуға ерінеді. Мен бұл адамдардың кармалық қарызы қандай екенін елестетемін», — деп жазады комментаторлардың бірі.
«Санэпидстанция қайда қарап отыр? Бұл тұрғындарға толық айыппұл салынуы керек. Өздері шошқалар сияқты өмір сүреді және балаларына мұны үйретеді», — дейді тағы бір қолданушы.
Үй тұрғындары жауапкершілікті бір-біріне жүктейді және қоқыс тастайтындықтарын мойындамайды.
«Мен мұнда екі жыл тұрамын. Қоқысты жоғарыдан лақтырады. Оны кім тастайтынын білмеймін», — дейді бес қабатты үйдің тұрғындарының бірі.
Орал әкімдігінде орын алған жағдайға қатысты түсініктеме берілді.
«Бұл үй проблемалы. Тұрғындар коммуналдық қызметтер үшін 5 млн теңге қарызға ие. Терезеден қандай бөтелелер ұшатыны түсінікті. Жыл сайын осындай жағдай орын алады. Коммуналдық қызметтер аумақты тазалайды. Бірақ олар мұны әркез жасай бермейді. Тұрғындар өз аумақтарына өздері жауапты. Полицейлер тәртіп бұзушыларға айыппұл салады», — деді Орал қаласы әкімінің орынбасары Мирас Мұлқай.
Әкімдікте атап өткендей, қалада санитарлық тазалаудың екі айлығы жарияланып, барлық тұрғындарды сенбілікке белсенді қатысуға шақырды.
