Қазақстанда дербес деректерді қорғау мәселелері бойынша заңдарға түзетулер әзірленді

Қазақстанда дербес деректерді қорғау мәселелері бойынша Қазақстан Республикасының заңнамалық актілеріне түзетулер әзірленді.

Құжат «Ашық НҚА» сайтында орналастырылған, бұл құжаттың екінші нұсқасы.

Атап айтқанда, 145-бапқа түзету енгізіледі. «Жеке сурет құқығы».

Ұсынылған нұсқада басқа адамның бейнесін (оның фотосуреттерін, сондай-ақ ол бейнеленген бейнежазбаларды немесе бейнелеу өнері туындыларын қоса алғанда) пайдалануға және таратуға тек осы адамның немесе оның заңды өкілдерінің келісімімен, ал ол қайтыс болғаннан кейін оның мұрагерлерінің келісімімен жол беріледі делінген.

Мұндай келісім талап етілмейді, егер:

адамның бейнесі еркін болу үшін ашық жерлерде немесе көпшілік іс-шараларда (жиналыстарда, съездерде, конференцияларда, концерттерде, қойылымдарда, спорттық жарыстарда және осыған ұқсас іс-шараларда) өткізілетін түсірілім кезінде алынған, мұндай сурет пайдаланудың негізгі объектісі болып табылатын жағдайларды қоспағанда;

адам ақы төлегені үшін суретке түссе;

адам әкімшілік немесе қылмыстық құқық бұзушылық жасаса;

мемлекеттік қызметші немесе квазимемлекеттік сектор қызметкері жұмыс уақытында қызметтік міндеттерін жүзеге асырса;

бұл заңнамалық актілермен бекітілсе.

Сондай-ақ, мемлекеттік қызметтерді ұсынатын мемлекеттік органдар тарапынан дербес деректерге қол жеткізуді шектеуді көздейтін түзету енгізіледі.

Бұдан басқа, субъектінің немесе оның заңды өкілінің келісімі болған кезде дербес деректерді жалпыға қолжетімді көздерде таратуға, сондай-ақ жалпыға қолжетімді көздерден дербес деректерді жинауға, өңдеуге және таратуға жол беріледі.

Осы тармақтың талаптары міндетті түрде ашылуға жататын ақпаратты жариялау бойынша мемлекеттік органдардың Қазақстан Республикасының заңнамасында көзделген өз функцияларын орындау жағдайларына қолданылмайды.

Заңға дербес деректерді жинау және өңдеу фактісі, басталуы немесе тоқтатылуы туралы хабарлама туралы жаңа бап қосылады.

Осылайша, оператор дербес деректерді жинау, өңдеу (жинау, өңдеуді жүзеге асыру кезінде) басталғанға дейін, сондай-ақ дербес деректерді жинау және өңдеу тоқтатылған кезде уәкілетті органды хабардар етуі тиіс.

Дербес деректерді жинау және өңдеу фактісі, басталуы немесе тоқтатылуы туралы хабарлама мынадай мәліметтерді қамтиды:

оператордың атауы (Тегі, Аты, Әкесінің аты (бар болса)), мекенжайы;

дербес деректерді жинауды және өңдеуді бастау күні;

дербес деректерді жинау мен өңдеуді тоқтату мерзімі немесе шарты;

дербес деректердің атауы;

дербес деректері жиналатын және өңделетін субъектілердің санаттары;

дербес деректерді жинау және өңдеу мақсаты;

дербес деректерді жинау мен өңдеудің құқықтық негізі;

дербес деректері бар іс-қимылдар тізбесі;

дербес деректерді трансшекаралық берудің болуы немесе болмауы туралы мәліметтер;

дербес деректерді қорғау бойынша қабылданатын шаралардың сипаттамасы;

дербес деректерді қамтитын базаның орналасқан жері туралы мәліметтер;

дербес деректерді өңдеуді ұйымдастыруға жауапты тұлғаның байланыс деректері (телефон нөмірлері, пошталық мекенжайлары және электрондық пошта мекенжайлары).

Субъектінің дербес деректерді жинауға, өңдеуге келісімін беру (кері қайтарып алу) тәртібіне субъектінің дербес деректерді жинауға және өңдеуге келісімін алуға дәлелдемелер немесе негіздердің бар екендігіне дәлелдемелер ұсыну операторға жүктелетіні туралы толықтыру енгізілді.

Дербес деректерді жинауға, өңдеуге келісім нақты оң іс – қимыл арқылы беріледі, оның көмегімен субъект немесе оның заңды өкілі өзіне (сенім білдірушіге) қатысты дербес деректерді өңдеуге ерікті, белгілі және бір мәнді келісімін көрсетеді, – делінген заң жобасында.

Дербес деректерді жинауға және өңдеуге келісім оператордың дербес деректермен іс-әрекеттері туралы мәліметтерді, оның ішінде:

оператордың атауы (Тегі, Аты, Әкесінің аты (бар болса)), мекенжайы;

жинауға және өңдеуге субъектінің немесе оның заңды өкілінің келісімі берілетін дербес деректердің тізбесі;

дербес деректерді жинау және өңдеу мақсаты;

жасалуына келісім берілетін дербес деректермен жасалатын іс-қимылдар тізбесі, оның ішінде үшінші тұлғаларға беру, жалпыға қолжетімді көздерде тарату, трансшекаралық беру;

дербес деректерді жинауға, өңдеуге келісім қолданылатын мерзім, сондай-ақ дербес деректерді сақтау мерзімі.

Сонымен бірге, дербес деректерді жинау, өңдеу субъектінің немесе оның заңды өкілінің келісімінсіз, дербес деректер, оның ішінде мемлекеттік қызметшілердің және квазимемлекеттік сектор қызметкерлерінің, сондай-ақ сайланбалы мемлекеттік лауазымдарға кандидаттардың тегі, аты, әкесінің аты, лауазымы, өмірбаяны, қызметтік телефондарының нөмірлері және қызметтік электрондық поштасының мекенжайлары жарияланған жағдайда жүргізіледі.

Құжатты толығымен мына жерден көруге болады, ол 23 сәуірге дейін қоғамдық талқылауда.