Оралда жаңа салынған үйдің жанында жер опырылды
Оралда мемлекеттік-жеке меншік әріптестік аясында салынған жаңа үйдің жанында жүк көлігі түсіп кетті.
«15 сәуірде кешке мен қара топырақ алып келдім. Қарама-қарсы такси көлігі шықты. Айналып өтеміз дегенде жүк көлігі жер опырылып түсіп кетті. ТЖД-ға қоңырау шалғаныммен, олар көмектеспеді. Өз ақшама автокран мен жүк тиегішті жалдауға тура келді. Көлік зақымдалды», — деді КамАЗ жүргізушісі.
Нәтижесінде көлікті бір күннен соң кранмен шығарып алды, бірақ қазір ол өзі жүре алмайды. Құрылыс бөлімінде үйді жеке компания өкілдері салғанын хабарлады.
«Үй 2019 жылы пайдалануға берілді. Біз тұрғындар үшін үйдің жанында жаяу жүргінші жолын жасадық. Апат болған жерде кәріз жүргізілді. Мүмкін, еріген су топырақты шайып, опырылып кетуі мүмкін. Аула аумағын абаттандыру жобамен қарастырылмаған. Бірақ біз опырылған жерді жоямыз», — деді мердігер ұйымның прорабы.
