Оралда ер адам көпірден секіремін деп қорқытты
Полиция 19 сәуірде сағат 15 шамасында 102 пультіне «Екінші база» ауданындағы көпірде суицид әрекеті туралы хабарлама келіп түскенін хабарлады.
Оқиға орнына БҚО ПД бастығының бірінші орынбасары Жанболат Жаншин шықты. Ол ер адамды секірмеуге көндірді. 32 жастағы оралдық бұған дейін мас күйінде көлік құралын ұрлағаны және басқарғаны үшін бірнеше рет сотталған.
– Ол өзінің әрекетін полиция қызметкерлерінің қудалауы түрткі болды дейді, бірақ бұл шындыққа сәйкес келмейді. Учаскелік полиция инспекторы оның учаскесінде 20 жылдан астам уақыт жұмыс істейді.Қазір оны куәландыруға алып кетті, алдын ала мәліметтер бойынша, ер адам мас күйінде болған, – деп атап өтті полицияның баспасөз қызметі.
