Оралда бұрынғы әйелін өлтірген күдіктіні қамауға алды
Тергеу барысында Бауыржан Хайруллин тергеу изоляторында болады.
БҚО полиция департаменті баспасөз қызметінің мәліметінше, 22 сәуірде тергеу сотының санкциясымен Бауыржан Хайруллин екі айға қамауға алынған. Ол ҚР ҚК-нің 99-бабы «Адам өлтіру» бойынша қылмыс жасады деген күдікке ілінді.
Қайғылы оқиға оралдықтарды дүр сілкіндірген еді. 19 сәуірде Орда көшесінде ер адам әйелді қатты жарақаттады. Көптеген жарақаттармен оны ауруханаға апарғанымен, ол көп ұзамай қайтыс болды. Аса ауыр қылмыс жасады деген күдікпен полицейлер әйелдің бұрынғы күйеуі, Орал қаласының ТКШ бөлімінің қызметкері Бауыржан Хайруллинді ұстады.
Марқұм Айнагүл Хайруллинаның әпкесінің айтуынша, ерлі-зайыптылар ресми ажырасқанына қарамастан, ер адам бұрынғы әйелін қудалауды тоқтатпағынын айтты. Екі бала анасыз қалды. 21 сәуірде Айнагүл Хайруллинаны соңғы сапарға шығарып салды.
