Оралда карантин шараларын бұзғандарға 5млн. 659 мың теңгеге жуық айыппұл салынған

Оралда осы жылдың қаңтар айынан бүгінгі күнге дейін шектеу шараларын бұзған 164 факт тіркелген. Соның 96-сына хаттама толтырылып, 5млн. 659 мың теңгеге жуық айыппұл салынған.

Бұл туралы Орал қаласы мониторинг тобының жетекшісі Аслан Жармұханов айтты.

– Шектеу шараларын жиі бұзған «Айбат», «Бәйтерек», «Қоржын», «Самал» мейрамханаларының және «Алғабас» караоке залы мен «Юбилейный» банкет залының жұмысы 11 наурыздан бастап Әкімшілік кодексінің 425-бабаның 1-бөлігіне сәйкес мамандандарылған ауданаралық экономикалық соттың шешімімен екі айға тоқтатылды,-деді Аслан Жармұханов.

Оның айтуынша, өткен жылы мониторинг топ өкілдері сәуір, мамыр айында карантин тәртібін бұзған 535 факті анықтаған. 158 жеке және заңды тұлғаға 3 млн. 239 мың теңге айыппұл салынған.

Сондай-ақ 2020 жылдың мамырдан желтоқсан айына дейін шектеу шараларын елемеген 1925 адамға хаттама толтырылған.

– Жалпы сомаса – 26 млн, 859 мың теңге айыппұл салынды. Тексеріс барысында мониторинг топқа есік ашпағандар болды, екі-үш сағат кейде одан да көп күтуге тура келді. Қазіргі таңда Орал қаласы бойынша 22 мониторинг топ жұмыс істейді,-дейді мониторинг топ жетекшісі.