Орал белсендісі бір пикет үшін 10 тәулікке сотталды (БЕЙНЕ)
Азаматтық белсенді Бекболат Өтебаев жеке пикетке шыққаны үшін 10 тәулікке сотталды, онда ол билікті сынға алды, сондай-ақ зейнет жасын көтеруге қарсы шықты. Бұған дейін белсенді алаңда өз пікірін білдіргені үшін 5 тәулікке сотталған болатын.
Үшінші топтағы мүгедек Бекболат Өтебаев рұқсат етілмеген жеке пикетке шыққаны үшін кінәлі деп танылды. Ол 10 тәулікке қамауға алынды. Белсенді 2021 жылғы 17 сәуірде Қазақстанда зейнет жасын көтеруге қарсы пикетке шықты, сондай-ақ билікті қатаң сынға алды. Блогер Асқар Шайгумаров белсендіні қамауға алу туралы Фейсбуктегі парақшасында жазды.
«Орал қаласының мамандандырылған әкімшілік соты Бекболат Өтебаевты «Әкімшілік құқық бұзушылық туралы» Қазақстан Республикасы кодексінің 488 — бабының 7-бөлігінде көзделген әкімшілік құқық бұзушылық жасағаны үшін кінәлі деп таныды және 10 (он) тәулік мерзімге әкімшілік қамау түрінде әкімшілік жаза қолданды», – делінген соттың 2021 жылғы 23 сәуірдегі қаулысында.
Естеріңізге сала кетейік, 58 жастағы мүгедек Бекболат Өтебаев 27 наурызда полиция қызметкерлері өз үйінде ұсталып, сотқа жеткізілген болатын, сол күні ол 25 ақпанда өткізген жеке пикеті үшін 5 тәулікке қамауға алынды. Белсенді заңсыз тұтқындауға наразылық білдіріп, аштық жариялады.
