БҚО-да блокпосттардың орнатылуын түсіндірді
Батыс Қазақстан облысында соңғы аптада COVID-19 ауруы 15 пайызға өсті. Жағдайдың нашарлауына байланысты өңірдің жедел штабы шектеу шараларын қатаңдату туралы шешім қабылдады. 1 мамырдан бастап Орал мен алты ауданда блокпосттар қойылады.
«Ең алдымен, біз инфекция тізбегін үзуіміз керек. Жағдай тұрақсыз. Негізінен коронавирус инфекциясы қалада күшейіп тұр. Тұрғындар үйде қалып, облыстан тыс жерлерге шықпауы керек. Бұл қажетті шара. Қазір инфекциялық стационарларда төсек қорының толуы 60 пайыздан жоғары. Біз үлкен ауыртпалықты бастан кешіретін дәрігерлер туралы ойлануымыз керек. Жақында науқастарды жатқызатын орын болмауы мүмкін»,-деп түсіндірді жаңа қаулыға қол қойған БҚО санитарлық-эпидемиологиялық бақылау департаменті басшысының орынбасары Нұрлыбек Мұстаев.
Жағдай жақсарған жағдайда блокпосттар алынып тасталуы мүмкін. Естеріңізге сала кетейік, БҚО-да блокпосттар 2020 жылдың 31 наурызынан 1 маусымына дейін қойылды. Олардың жұмысының тиімділігі қоғамшылдар арасында бірнеше рет күмән тудырды. Адамдар елді мекендерге шығу және кіру маңындағы үлкен кезектерге шағымданды. Енді блокпосттар өңірде 1 мамырдан бастап пайда болады.
