БҚО–да коронавирус жұқтырған балалар саны артқан
БҚО денсаулық сақтау басқармасы мәлім еткеніндей, өткен жылдың қыркүйегінен бері індет табылған балалар саны 925-ке жетті.
Облыста барлығы 18877 адам тіркелсе, соның 10700-інде ауру белгілері бар, 8177-сінде симптомы болмаған.
Ауырғандардың 14725-і жазылып шықса, соның 6735-і стационарда, 7990-ы амбулаторлық ем алды. 275 адам өмірден озды.
Соңғы тәулікте 173, бір аптада 1139 адамнан коронавирус анықталды.
Пневмонияға шалдығып, стационарға түскендер саны – 461.
Қазіргі кезде инвазивті жасанды тыныс алу аппаратына 2, инвазивті емес сондай құрылғыға 20, оттегі концентраторына 12, орталықтандырылған оттегі көзіне 137 адам қосылған.
Өңірдегі 1115 төсектік 11 инфекциялық стационарда 600 науқас жатса, соның 39-ы жансақтау бөлімшесінде.
Сондай-ақ 195 төсектік 4 карантиндік стационарда 7 адам ем қабылдауда.
