Қазанда мектепте оқ атылды: қаза тапқандар саны 11 адамға жетті
Қазандағы Джаудат Файзи көшесіндегі №175 мектепте атыс болды. Бұл туралы «Татар-информ», «Қазан репортері» және РИА Новости ақпарат көздеріне сілтеме жасап хабарлайды.

«Нақтыланған мәліметтер бойынша, Қазандағы мектептегі атыс салдарынан 11 адам қайтыс болды», — деді Төтенше жағдайлар қызметі.
Сондай-ақ, агенттік дереккөзге сілтеме жасай отырып, қайтыс болған балалардың екеуі мектептің үшінші қабатынан ату кезінде секіріп қаза тапқанын хабарлады.
Қазандағы мектепте оқ атудан 32 адам зардап шекті, олар ауруханаларға жеткізілді», – деп хабарлайды «Татмедиа»

Алдын ала мәліметтер бойынша, жасөспірімдер оқ атқан, олардың біреуі ұсталды, екіншісі жойылды.
Эвакуацияланған балалармен психологтар жұмыс істеуде, жедел желі ұйымдастырылды.
Оқиға орнына 21 жедел жәрдем бригадасы жіберілді. Сондай-ақ, Минниханов, республиканың денсаулық сақтау министрі Марат Садықов және өңір прокуроры Илдус Нафиков сонда барды.

Қылмыстық іс қозғалды. Ғимаратта жедел әрекеттер жалғасуда.
Қалада терроризмге қарсы операция режимі енгізілді. Барлық оқу орындарында қауіпсіздік шаралары күшейтілді.