Денсаулық сақтау басқармасының бұрынғы бастығы қамауда болады
Судья Наиля Жүнісова Бүгін, 11 мамырда Болатбек Каюповтың қорғаушысы Тамара Сәрсенованың үйқамаққа алу шарасын өзгерту және айыпталушының үйін тінту кезінде тәркіленген 70 000$ және 17 млн теңгені мерзімінен бұрын қайтару туралы өтінішін қабылдамай тастады.
Келесі сот отырысы 14 мамырға сағат 10.00-ге жоспарланған.
Облыстық денсаулық сақтау басқармасының бұрынғы басшысы Болатбек Каюповты 7,8 млн. теңге көлемінде ақша алды деп айыптап отыр.
Еске сала кетейік, 6 мамырда Каюпов пен Тұралиевке қатысты қылмыстық іс бойынша алдын ала тыңдауда қорғаушы Сәрсенова қамауда ұстау кезінде айыпталушылардың денсаулығының нашарлауымен өз өтінішін дәлелдей отырып, үй қамауына өзгерту туралы өтініш білдірген болатын. Сондай-ақ, Сәрсенова Каюповтың үйін тінту кезінде тәркіленген 70 000$ және 17 млн теңге мөлшеріндегі ақшаны қайтаруды сұрап, бұл ақшаның Каюповтар отбасына тиесілі екенін хабарлаған еді.
Серік ЕСЕНОВ
