Оралда әйел сұлулық салонындағы процедурадан кейін ауруханаға түсті
Шашты бояғаннан кейін клиент қатты күйдіруге шағымданған, содан кейін ол тұншыға бастаған. Оны қалалық көпбейінді ауруханаға ауыр жағдайда жеткізді.
Қала тұрғыны Зульфия Длимбетова 10 мамырда шаштарын бояу үшін Оралдағы «ZAMA» сұлулық және денсаулық орталығына баруды шешті. Күрделі бояу жоспарланған. Салон қызметкері, шебер Оксана, жәбірленушінің айтуынша, аллергияға арналған композицияны алдын-ала қолданбай, тексерусіз шаштарын бояй бастаған.
«Бояуды қолданғаннан кейін, 20 минуттан кейін, қатты күйдіре бастағасын бояуды жууды сұрадым, оған Оксана осылай болуы керек деп жауап берді және 15 жыл бойы осы бояумен бояйтынын айтып, жуудан бас тартты», — дейді Зульфия Длимбетова.
Осыдан кейін Зульфия тұншыға бастады, ол бояудың бас терісіне әсеріне байланысты Квинке ісінуіне ұшырады.
Оның айтуынша, салонда жедел жәрдем шақырудан бас тартқан.
– Оксана: «Жедел жәрдем шақырудың қажеті жоқ, Мен оны өзім емдеп аламын», – деп айқайлады. Мені шешіндіріп, су шаша бастады», – дейді Зульфия.
– Осы кезде Хадиша [салон директоры] өзінің дәрігеріне қоңырау шала бастады, ол маған телефон арқылы кеңес берді, мені және менің жағдайымды көрмей, маған валерьянка қосылған су берді. Ал бұл уақытта менің тамағым ісіп кетті, мен ештеңе іше алмадым, бәрі қайтадан шықты», – деп еске алады Длимбетова.
«ZAMA» салонының қызметкерлері клиенттің аяқ-қолдары жансыздана бастағанын түсінген кезде ғана «жедел жәрдем» шақыруға шешім қабылдады.
— Мен жартылай есеңгіреген күйде оларға көгерген қолдарымды көрсетіп, «жедел жәрдем» шақыруды өтіндім. Осы уақыт ішінде мен суық, дымқыл еденде жалаңаш жаттым, – дейді Зульфия Длимбетова.
БҚО денсаулық сақтау басқармасының баспасөз қызметі оқиғаны растап, емделуші ауыр жағдайда түскенін айтты.
«Бригада келген бойда алғашқы медициналық көмек көрсетіп, пациентті реанимацияға жеткізді. Аллергиялық реакция. Қазір жағдайы тұрақты, терапия палатасына ауыстырылды».
«ZAMA» Сұлулық және денсаулық орталығында телефонды көтерген қыз басшылық түсініктеме беруден бас тартатынын айтып, соңында «егер директор қажет деп тапса, ол өзі хабарласады»деді.
Зульфия Длимбетова полицияға арыз жазғанын, сондай-ақ сотқа талап арыз беру ниеті туралы хабарлады.
Серік ЕСЕНОВ
