БҚО-да кәмелетке толмағандар арасындағы жүктілік көбейген
2020 жылы облыста тек екі жағдай тіркелсе, биыл кәмелетке толмаған 7 қыз жүкті болып қалған.
БҚО ПД жергілікті полиция қызметі басқармасының ювеналды полиция тобының ерекше тапсырмалар жөніндегі аға инспекторы Жазира Арыстанованың айтуынша, облыста кәмелетке толмағандардың жыныстық сипаттағы қылмыстарының өсуі байқалады.
— Өткен жылы кәмелетке толмағандар арасында жүктіліктің екі жағдайы тіркелді, биыл 7-уі, — деп атап өтті Жазира Арыстанова. — Егер 2020 жылы кәмелетке толмағандар 32 қылмыс жасаса, осы жылдың басынан бастап олардың 25-і тіркелді. Кәмелетке толмағандарға қатысты жасалған қылмыстардың көрсеткіштері артты, егер өткен жылы 19 қылмыс тіркелсе, биыл 32 қылмыс тіркелді.
Жазира Арыстанованың айтуынша, бұл балалардың ересектердің қарауынсыз қалуынан болуы мүмкін.
— Қазір балалар онлайн оқуда және көбінесе үйде ата-анасыз қалады, сондықтан қылмыс санының артуы осыған байланысты болуы мүмкін. Жақында мектеп оқушылары пәтер жалдап, алкоголь ішкен, мұның бәрі олардың біреуінің терезеден құлап кетуімен аяқталды. Бүгінгі таңда оның жағдайы қанағаттанарлық, ол дәрігерлердің бақылауында, — деді аға инспектор. — Бұл балалардың бос уақытының көп болуын білдіреді.
