БҚО-да жазғы суға шомылуға арналған 13 орын жабдықталады

Оралда төрт жағажай жабдықтау жоспарлануда: қалалық мәдениет және демалыс паркі аумағындағы екі жағажай, «Светлячок» демалыс базасы аумағындағы жағажай және «Металлист» зауыты ауданындағы жағажай.

БҚО ТЖД Азаматтық қорғаныс басқармасының аға офицері Әбілқат Әділбековтың айтуынша, облыс аумағында барлығы 13 жағажай жабдықтау жоспарланған, олардың төртеуі Оралда, Бәйтерек ауданында — үш және алтауы Теректі ауданында орналасқан.

— Жағажайлар қашан жұмыс істейтінін айта алмаймын, өйткені алдымен түбін тексеру керек. Мұнымен құтқарушы-сүңгуірлер айналысады, олар өтінім береді, біз жағажайларды ашуға акт пен ұсыныстар береміз. Бірақ бұл ұсыныстар рұқсат беруге негіз болып табылмайды, оны әкімдік айқындайды. Қазіргі уақытта әкімдіктермен тек 13 жағажай бекітілді. Біз су түбін тексере аламыз, бірақ тазалаумен мердігер ұйымдар айналысады, — деді Әбілқат Әділбеков.

Айта кетейік, ТЖД құтқарушылары қайғылы оқиғалар жиі орын алатын апатты жағажайларда кезекшілік етеді — бұл Елизаров көшесіндегі, Жеңіс алаңы, Коминтерн, қалалық мәдениет және демалыс саябағы, сондай-ақ Самал ауданындағы апатты жағажайлар.

— Құтқарушылар мұнда кезекшілік етіп, рейдтік іс-шаралар өткізеді, — деп қосты Әбілқат Әділбеков.

Жыл басынан бері облыстың су айдындарында бір қайғылы оқиға тіркелді. Ер адам балық аулау кезінде батып кетті.