БҚО аумағында ақылы жолдармен жүру құны белгілі болды
Төлемақы бір километрге 10-нан 26 теңгеге дейінгі тариф бойынша алынады,деп хабарлады «ҚазАвтоЖол» ҰК » АҚ баспасөз қызметі.
1 маусымнан бастап «Самара – Орал», 195-248 км, «Орал – Ақтөбе», 261-526 км, «Орал – Саратов», 4-104 км учаскелерінде жүк автомобильдерінің жүру ақысы алынады.
Бұл жүйе ақылы учаскелерде шлагбаумдардың толық болмауын білдіреді. Автомобильдердің өтуі арнайы камералар мен жабдықтардың көмегімен сегіз бақылау аркасына бекітілетін болады. Олар қазірдің өзінде тест режимінде жұмыс істейді.
Жол жүру төлемі Каспий, Хоум-банк қосымшалары, Qiwi, woopay төлем терминалдары, ұялы компания операторлары арқылы қабылданады. Осындай жолдармен жүру үшін ақы төлеу үшін автокөліктің мемлекеттік нөміріне шотты толтырудың көптеген нұсқалары қарастырылған. Сондай-ақ сигнал бақылау аркаларында оқылатын арнайы белгілерді (RFID белгілер) жапсыру көзделеді және олардан жол жүру төлемі есебіне теңгерім есептен шығарылады.
Қайта жаңарту бойынша жұмыстар аяқталғаннан кейін учаскелерде ақылы қызмет енгізіледі. Автожолдарда қайта жаңарту жүргізілгенге дейін және одан кейін ЖКО деңгейі бойынша көрсеткіштерге негізделе отырып, ЖКО санын айтарлықтай төмендету көзделіп отыр. «Ақтөбе — Орал — Ресеймен шекара» тас жолында қайта жаңартудан кейінгі ЖКО саны 25% – ға қысқарды, деп хабарлады «ҚазАвтоЖол».
Рустам Исаев, «ҚазАвтоЖол» ҰК » АҚ департамент директоры:
– Салық кодексіне сәйкес, ақылы жолдардан түскен ақша осы жолдарды ұстауға жұмсалады. Бұған бюджеттен ақша бөлінбейді. «Қазақавтожол» ЖШС жолдарға қызмет көрсетеді.
