Батыс Қазақстанда карантиндік шектеу шаралары жеңілдетілді
Батыс қазақстан облысы коронавирустық инфекцияның таралу қарқыны бойынша бес күн бойы «сары» аймақта тұр. БҚО бас санитарлық дәрігері Мұхамғали Арыспаевтың жаңа қаулысына сәйкес шектеу шаралары жеңілдетілді.
Жаңа қаулының қосымшасына сәйкес, балабақша топтарындағы балалар саны 25-ке дейін артады. ХҚКО сенбі күні сағат 18.00-ге дейін жұмыс істейтін болады. Сонымен қатар, жабық базарлар мен сауда үйлері демалыс күндері жұмыс істейді. Сондай-ақ, қалааралық автобустардың қозғалысына рұқсат етіледі.
Қоғамдық тамақтану объектілеріне 50% толтырылған кезде 00.00-ге дейін, бірақ 50 орыннан артық емес жұмыс істеуге рұқсат етіледі. Кинотеатрлар мен театрлар 20% толумен жұмыс істей алады.
Ойын-сауық, ұжымдық, отбасылық, еске алу іс-шараларын, оның ішінде үйде (банкеттер, үйлену тойлары, мерейтойлар және т.б.) және адамдар көп жиналатын өзге де іс-шараларды өткізуге және оларға қатысуға әлі де тыйым салынады.
Тек селекторлық режимде және офлайн режимде өткізбей бейнеконференцбайланыс арқылы жиналыстар, кеңестер, семинарлар, конференциялар өткізу.
5 (бес) жасқа дейінгі балаларды қоспағанда, қоғамдық тамақтану орындарында тамақ ішкен, сондай-ақ әлеуметтік қашықтықты сақтаған кезде 5 (бес) адамнан аспайтын жеке, топтық спортпен шұғылданатын балаларды қоспағанда, ашық ауадағы қоғамдық орындарда, халыққа қызмет көрсетуге және демалуға арналған үй-жайларда, қоғамдық автокөлікте медициналық немесе мата маскаларын кию міндетті болып табылады.
Мектеп жанындағы және қала сыртындағы балаларды сауықтыру лагерлерінің жұмысына рұқсат етілген.
Қаулы 2 маусымнан бастап күшіне енеді.
