БҚО-да екі баланы жылан шағып алған
Жылан шаққан 3 және 13 жастағы балалар көп салалы балалар ауруханасына жеткізіліп, ем-домдарын алған.
Облыстық көпбейінді балалар ауруханасы директорының стратегиялық даму жөніндегі орынбасары Қарлығаш Дустаева бір жағдайда бала ата-анасымен бірге табиғатқа шығып, оны жылан шағып алғанын айтты.
– 3 жастағы науқаста ісіну және гиперемия түрінде реакция пайда болды. Ата – анасы оны бірден ауруханаға жеткізді, бақытымызға орай, бәрі ойдағыдай болды, тістеу улы емес еді, – деп түсіндірді Қарлығаш Дустаева. – Биылғы жылы тағы бір осындай жағдай болды: жылан 13 жасар баланы тістеп алды. Қазір балалардың бәрі ауруханадан шығарылды.
Қарлығаш Дустаева жылан шағып алған кезде, ең алдымен сол жерде байлау керек, яғни тістегеннен жоғары орынды байлап, ауруханаға бару керек деп атап өтті.
«Егер жылан улы болып шықса, бұл өте қауіпті, тіпті өлімге әкелуі мүмкін», – деді аурухана директорының орынбасары. – Осы жылдың мамыр айында кене шағу туралы бір шағым болды. Кене шағып алған кезде, сіз тістегеннен жоғары жерді байлап қойыңыз, және ешқандай жағдайда басы теріде қалмауы үшін оны өзіңіз шығармаңыз. Кене ауруханада алынып, талдауға жіберіледі.
