Оралда автобустарда қолма-қол ақшасыз төлем енгізіледі

Оралда қоғамдық көлікте жол жүру үшін қолма-қол ақшасыз төлем нысаны енгізілуде. Әкімдікте Қазақстанның бірнеше қаласында жұмыс істеп жатқан жаңа компанияның қызметтері таныстырылды. Тасымалдаушылар осы саладағы инновациялардың қажеттілігін түсінеді, бірақ кейбір қиындықтар туатынын да жасырмайды. Жүргізушілер төлем карталарын енгізуге құлықсыз.

Пандемияға дейін Оралда 450-ге жуық автобус жолға шықты. Қазір олардың саны 350-ге дейін азайды. Қала әкімінің орынбасары автопаркті жаңарту қажеттігін атап өтті. Бұл процесс қазірдің өзінде басталды.

– Қалада 10 жаңа автобус пайда болды, жыл соңына дейін жаңа техника санын 120 бірлікке дейін арттыруды жоспарлап отырмыз, – деп атап өтті Орал әкімінің орынбасары Асхат Құлбаев.

Жаңа компания өкілдері олардың Қазақстанның басқа қалаларында жұмыс тәжірибесі бар екенін мәлімдеді. Жолаушы тасмалдаушыларға тиімді шарттар уәде етіледі.

-Біз Қазақстанның төрт қаласында – Атырау, Ақтөбе, Семей және Павлодар қалаларында жұмыс істейміз, – деп атап өтті Болат Жамашов.

Орал жолаушылар тасымалдаушылары төрт жыл бұрын бекітілген тарифтер бойынша бірнеше жылдан бері жұмыс істеп келеді. Коронавирустық пандемия кезінде жолаушылар ағыны азайып, шығындар артты. Сонымен қатар, көлік карталарын енгізумен өткен сәтсіздіктер де есімізде.

– Төлем карталарын енгізу бойынша алдындағы өткен науқан сәтсіз аяқталды, – деді автокөлік кәсіпорнының директоры Эльдар Вагапов.

– Субсидиясыз біздің компания банкротқа ұшырайтын еді. Бірақ электронды төлем нысаны басқа субсидияларды қажет етеді», – деді автокөлік кәсіпорнының директоры Владимир Юркевич.

Жол ақысын төлеудің жаңа жүйесін кезең-кезеңмен енгізуге уәде етілді.